假日好去處 – 深圳宜家

上回講完新界西部發展潛力大,趁假日介紹一下令你認識西部同利用深圳灣口岸來往兩地有幾方便既活動 ,就係去離口岸不遠既家俱城。搭車個陣同老婆分享左個教事: 話說公司要返大陸攪個夏令營,全公司同事都要出席。公司有個女同事叫「mother/媽打」,係出發前一日主持Ryan已經係大會提醒各位要帶回鄉證,點知媽打帶左佢老公張回鄉證 (唔知係咪緊佢老公個張多過緊佢自己個張)。好啦到冬季營,Ryan 係大會提大家要帶自己既回鄉證 ,點知今次 媽打無帶身份證,都係過唔到關,真係激死! 不過媽打係一個好人,佢係少數仍維持新年派利是加粒糖習俗既人,寓意由年頭甜到落尾。

係短短故事之後,架車已經到左 屯門 市。對於讀者,如果由你屋企搭車去元朗或屯門只10蚊以下, 咁出發去深圳灣口岸附近既宜家家具會係一個好選擇。你可以先到屯門市中心輕鐵站再比$8搭B3, 或元朗西鐵站 / 籃地輕鐵站可用 $12搭B2都可以20分鐘到口岸。

*籃地輕鐵站到深圳灣口岸只要約8分鐘

到口岸之後, 打的到「宜家傢具」, 司機再唔明就同佢講北環立交的歐洲城, 比人仔$27-30就到了。2人同行由元朗計總車費 $12×2 + $27×1.21 ~= $56, 除開每人$28, 比出去銅鑼灣行街貴些少, 一陣再教你點慳反。

買家居Accessories平一半
到達之後, 先看附近有B&Q 和 香江家電總匯。B&Q主題係裝修材料如瓷磚, 浴室瓷器, 適合為家居大裝修者行及逛。 入到宜家發覺面積十分大, 比香港鋪大大約5倍。價錢? 大型傢具唔見得平好多, 睇中傢私要自己搵搬運公司送落香港。反而Accessories就平一半。買個慳電胆6W約人仔4元, 香港10蚊既水杯佢$4.9有6個,相架1蚊1個。入面人山人海, 除左買野你會發覺大陸宜家入面示範既櫃成日都爛既, 小心一開會跌出黎,真係多得同胞熱烈試用。行都累你係唔會想坐係床上面料下, 因為佢張床一定亂過成個禮拜唔執床既人。

相片中影住馬桶一個, 從桶上「封桶」的貼紙來說可能真係有人試用過。你都係唔好再諗, 眼不見為淨, 當多一個見識吧。

係遠離浴室示範區既係餐飲區, 可以食最出名既肉丸餐, $20有15粒丸,兩個人夠食,加個碟頭飯都係$15, 再比12蚊有任飲x2 , 加埋50有找。

回程有$1巴士去世界之窗站, 每15min 一班, 或打的回口岸
整個行程車費連食膳2個人都係$56 x 2 + $50 約港元170, 係出面食餐飯都一定要,而家返深圳可以買埋平野慳到錢 , 呢個行程可算係超值!!

使用諗Sir獨家按揭進階計算機,Powerteam成交實例請到:https://buyhouse.com.hk

wtsapp icon top