做個9%、15%、31%年息收息佬?#1004

諗Sir, 您好!本人是超級庸才一名,現已年事已高,為了妥善地處理財務,已在8月及9月頭修讀101,102及103收息課程.修畢收息課程後,希望能學以致用,所以有以下財務安排構思,希望諗Sir給予專業意見.

 

本人46歲,待業(預計月薪$25,000),太太42歲,月薪$17,800,現有資產如下:

*自住樓市值280萬,1996年聯名購入,沒有按揭;

*沙田樓市值360萬,2004年太太單名購入,於2012年加按至70%(息率2.15%),套現$155萬,尚欠銀行$190萬.每月租金收入$9,200〔因租客已住了7年,準時交租(好租客難求),所以租金收入偏低,還有續租時沒有訂立新租約〕,還款$7,500;

*銀行存款$170萬,其中$95萬放在mortgage-link戶口,@2.15%;

*其他投資$140萬〔股票 $75萬,股票基金 $30萬,iBond $9萬,MPF自願性供款$26萬(計劃停止供款及提取所有資金)〕;

*每月生活開支$12,000(不計按揭還款及MPF自願性供款);

*為了將來用本人單名購入第3層物業,已於2012年將自住樓由聯名轉至太太單名持有. 現有以下構思,希望諗Sir給予意見:

 

1)首先補回沙田樓租約以增加太太的正式收入,新的借貸力是$320萬 〔($17,800 + $9,200 x 80%) / $10,000 x 50% x 2.59〕.接著將自住樓做按揭,套現$130萬〔$320萬 – $190萬〕;

2)將最新資金$400萬放入以下投資:

a)$100萬放入15-18%債基,做3轉,每月利息收入$12,500-$15,000;

b)$100萬放入12-15%債基,做3轉,每月利息收入$10,000-$12,500;

c)$100萬放入10-12%債基,做3轉,每月利息收入$8,300-$10,000;

d) $50萬放入DOUBLE保險,5年後希望總回報80% (每年約16%);

e)剩餘$50萬放入mortgage-link戶口備用,@2.15%,每月利息收入$900.

 

3)如5年內樓價回落20-30%,用本人單名購買約$300萬物業 (70-90%按揭),完成一生三宅願望. 請問諗Sir如果我將$300萬放入債基,是否過份集中?是否需要將部份放入直債?如是,有否好建議? 謝謝你的寶貴意見!

 

超級庸才

 

ANSWER:

 

今天生果報用人仔匯價見低位為題、實在早於年初筆者已少叫人做人仔投資、定期。就連昨日的個案,都叫讀者將人仔轉做double保險或保證8保險。原因一是港幣轉人仔差價比其他外幣高,此為國務院早前為防止外資流入的行為。故人仔未收息在差價上已被影響回報。原因二是銀行同業留意到大量遠期買人仔跌的沽盤需被對沽。不少結構產品如「一年期保本、人仔升仲有5%」呢類產品在各大零售、私人銀行出現。今日近年尾大家慶幸只比佢呃左一年,當買個教訓。當然啦,買一百萬輸4%就係$40000,究竟你人工多少才能不需正視此等損失? 閣下自判。

 

若將自住樓再套多130萬,手上資金為170+140+130 = 440萬。此資金買債基收息有餘、惟入手直債仍嫌稍為勉強。直債入場多在10至20萬美金起跑,可能一條債已抵讀者1/3資金。將問題縮窄為除了行債基方案外,有否其他非債類的10%收息建議? 有的。亦不需要用保險。保險雖然回報係最強,惟有存放年期3-5,買都不宜存入多。

建議為ETF,當然唔係盈富2800、或任何香港類的。香港市場有食水既窩輪、但無績效高而收費低既ETF。筆者受訪時講過,不過估計因廣告客戶有話語所以ETF資料未能刊登。見下圖:

圖一的亮點為一隻美國ETF,收15.32%一年。唔做槓桿。每買$100萬一個月收$12500。你心想:「咁咪仲勁過諗sir你講既債基!?」

 

筆者只好講,自己有落注既係圖三。圖一的ETF雖派15.32%(黑方格)、惟相信現時不宜入,係美國加息1-2次後應更值買! 留意到佢個價係2015年中後一直跌,由11.xx跌到$10蚊邊。即約20%。當然買佢比起買渣打、匯豐….筆者寧願「死」係呢隻派15%既ETF手上。圖一ETF輸兩成價但半年收息7.5%,比起渣打輸完25%再叫你供股再輸多25%(用原價計)好好多。2888個間野,直情係: 慘絕人寰!

2bb

圖一

當然呢個世界有叻仔。將圖一既ETF行2X槓桿再賣比你,產出圖二ETF,年派31.86%息口。真係有D跨張,換句話博到三年係咁即近回本。那讀者不其然問,究竟呢D美國既ETF係咩野? 筆者舉個例子,圖一就係買左小部份領匯(823)、越秀房託(704)、有D香港銀行股。而大部份買係靄華押業(1319)、安信信貸(假設佢有上市)此等公司既基金。領匯的租金做墊底、香港銀行股為有質素人仕提供按揭、而靄華押業為次等借貸人作出房貸。由於次等者借貸年息不少由10%開外,所以解釋了唔槓桿都有派15%之佳績。

4

圖二

當然圖一、二ETF都無買領匯、靄華。而係買係美國類同的公司。變相幫大家做左美國債主、如叫「收租佬」、實未夠貼切。知道鬼佬還錢無香港人咁準時、當然不建議大家大量買入、ETF亦幫大家搵黎幾十萬個「鬼佬債仔」。而本文旨在道出香港以外、大把值得留意既收息物。當明瞭多種ETF的操作方案之後,必能為履行債基者再提供多種投資物去分散風險。

 

圖一、或二都在近半年價跌、因美國若加息、次等者借貸恐違約率上升,解釋了由半年前至今的價跌。不過一旦年初加息落實、趁低買些少都無妨。有超10%年息「護身」、跌落黎無中資股或其他港股咁傷。

5

最後為圖三,筆者自己的科技流ETF。派息9%。早前文章已提、留意到個價又返回$23水平,即年初至今價格無變,息就收足。呢個就咪係收息投資。










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室