上車抉擇: 大埔翠屏花園與八號花園

輪到讀者Jay上粉絲專頁問仲有冇二百萬樓下既上車盤,交通方便而又不太殘舊的。其實香港真係冇咩二百萬樓下既盤,就算買到三、四十年樓齡都選擇不多。真的想政府將印花稅稅階改變,三百萬樓下既盤都係收一百蚊,因為而家上車盤既界定相信唔再係二百,而應係三百萬。

 

相信讀者有去過大埔中心一帶,同埋知道大埔中心係絕對唔近大埔墟火車站既(兩者要步行二十分鐘)。今次介紹大埔中心一帶屋苑,區內因冇地鐵令呎價稍低,但區內人流充足加上多條巴士線服務令該處成為一個價錢平,商場多,加上交通方便既買樓選擇。

 

大埔中心一帶其實包括多個屋苑,座落林村河畔。最大屋苑為大埔中心,同時有居屋大埔廣場、翠屏花園、昌運中心加上八號花園。屋苑有多條巴士線作配套,亦可在八號及巴士總站搭車去大埔墟火車站。以上所述五個屋苑各有特色,有心搵二百萬樓下盤源既朋友可由「八號」搵起。

 

大埔中心為新地出品,一至四期實用率為70%,五至六期建築面積冇計入大窗台所以實用升至80%。404至431呎可找到2.0mil至2.30mil單位,唯比較其餘四個屋苑較不實用,優勢是最大型屋苑,流轉量高於升市時行得較快,買黎炒好過住,係今年首季十大升幅屋苑第三位。如果你係標準用家,不如望下居屋大埔廣場。

 

大埔廣場係一個冇咩「綠表成交」既居屋屋苑,地價低相信是其因。業主只需補18%地價即可將屋放在自由市場買賣,比起平均補30%少好多。故大部份業主已將樓「贖身」。單位冇窗台,座落巴士站旁邊,一落車唔使淋雨就返到屋企,係五個屋苑內最平均同方便的! 如果比你搵到仲有二手市場既盤而你又可以買既,真係可以快手落訂,未補地價應該四百幾呎既兩房唔駛二百萬。現盤多已補地價,成交均在2.20mil-2.50mil左近。

八號花園勝在平,因未有天橋將屋苑與交通樞紐巴士總站連接,人流較少。樓齡

其實五個屋苑都差無幾,只不過要行遠些少用五分鐘到巴士站。佢間431呎既兩房間隔一般,房門開哂係廳度令實用性減低。偏房較細不過廁所同廚房比一般四百幾呎既樓房大,應該夠你住到小朋友上小學為止。現價二百萬樓下既盤仲淨一至兩個,如果比人搶左你就要再等。

翠屏花園呎價行得最慢,原因係單位清一色三百幾呎兩房。連租約成交一定搵到二百萬樓下選擇,交吉有樓睇而又二百萬樓下就要低層單位,高層只係加二三十萬即可。單位雖三百幾呎但觀感同大埔中心既四百幾呎差無幾,交通方便流下又多野食,租務亦有$6800蚊既成交。想上車,翠屏係個好選擇。

 

二百萬盤已在昌運中心絕跡,成交普遍升至2.40mil。樓齡比其餘四個屋苑細兩年解釋其因。總括而言,睇內籠會係大埔廣場最好,屋苑更有游泳池提供,次之翠屏>昌運>八號>大埔中心。當然大埔中心五至六期建築面積不計入窗台又作別論。論上車筆者認為翠屏最適合>八號>大埔廣場>昌運>大埔中心。希望大埔中心既介紹可以幫到你上車


本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室