30歲收入微薄、冇屋冇樓、寄人籬下#857

你好諗Sir

本人喜愛每本閱讀財經的Blog,無意中發現這個Blog,不過有感現在樓市最旺時才發現,實在失敗。本人自小寄人籬下,求學時有感終有一天自食其力,所以自小喜愛投資,增加資本,初時投資股票為主,及後接觸期權,並一路利用此兩種工具互補及對沖。經歷過直通車魚翅撈飯及雷曼爆煲,簡直天堂與地獄,因為期權overtrade關係,搬倉搬到搬無可搬,每日都收到證券行call loan,當時借下銀行不少貨款,但都不能補倉,為有忍痛止血一部份,在意志力支撐下,捱左3年左右,慢慢重新上路。相反,在2009年時,朋友決定將股票不問價賣出以換取首期上車,當年我仲覺得此決定十分錯。及後到2013年,方知道原來最錯的是我,朋友已由四小龍,換到現在的博扶林道,我的資產現在應該只有他的1/5或更少,6年間,他比我行快5倍。假如世上有時光機,能回到6年前多好。

本人剛30,收入微薄,冇屋冇樓,寄人籬下,只有約年薪25萬,有兼職每月30k – 50k,股票約 2mil,由於現在不敢overtrade,期權每月只有約 $15000 權金,現金500k,基本上自己每月開支 $5000 – $8000,間中會支出10k – 20k 給苦養我的恩人,每年先當 80k。

現時想法是希望樓市回落約20%才上車,繼續寄人籬下或租樓住,請求諗sir 指點迷津

謝謝

失機主義者上

answer:

 

呢個問題寫得非常好,筆者抽先左黎答。好在很令人有代入感、及極之有教育意義。建議大家現時漫步在股市大時代、不妨將呢篇文印出黎放係個mon隔離,落盤買股之前先睇一睇致使能三思而行。

 

佢既收入結構都好特別,正職年薪25萬、而兼職每月可達30k – 50k、更有股票二百萬在手!! 用「本人剛30,收入微薄,冇屋冇樓,寄人籬下」形容自己未免太離譜! 不過筆者都有感習慣節儉既生活未必係最難受既事、由奢入儉不時回首過去才最令人傷感。人到30參閱人生第一階段的工作成績表、發覺朋友住係薄扶林道而自己仲係乜樓都無,究竟當中有咩事搭q錯線呢?

 

除非係mon面前既你極之仰慕丁蟹哥大起大落既生活、否則下列12十個建議應會幫到你。

 

1.投資品可分為「賺價」同「收息」類。賺價為風險高而回報高、本金不預歸還的。收息為風險較低而本金預左有得取回的、所以收益較低。投資人應將此兩類投資品詳加了解(加參閱筆者<<收息論>>一書)及應用。

 

2. 投資首步是要去分配資產。你諗下,想當年如果讀者緊守只將70%既資金投放股市及其相關衍生物賺價、而淨低30%去收息。收息品如樓房、債券今天應已為自己產出不俗被動收入。

 

3. 不少人最大既問題,係想只搵一個最適合自己既投資方法。在2007年讀者選擇了期權、亦由於睇錯市及策略行錯令自己下墮地獄。

 

4. 推銷人員永遠同你講邊一隻投資品最好的! 因為佢只想你快速決定將全部錢投放入邊一種產品。

 

5. 有人屬於無人sell都習慣將錢作「一注獨贏」的、呢種人一係太貪心、又或太天真。

 

6. 樓係2000年後一直往上炒到咁貴、係因為於呢個時代好有用。

 

7.  一樓都無係手(失機主義者)既人宜細細地都買一間,因為零樓房等於睇單邊沽空樓市、其實同你滿倉揸股票只睇升唔跌一樣咁危險。

 

8. 股票咁多人買既原因、係大戶由無知既人手中去賺錢最快既手段。當然而家最快既相信係窩輪。

 

9. 香港股票市場由1973年四會鼎立至今已42年,當中由非上市手段(即做莊)而只靠做老散(做閒)成功贏錢發達到最後的又有幾個? 神童輝已經算係當中幾成功既一位。

 

10. 計算自己應否買樓及點去分配資金係成功第一步。讀者為20833/10000*2.59*50% = 2.7mil。若懂得方法將兼職收入30-50k計入借貸力那情況更會大幅躍進。這是買樓001的授課目標。

 

11. 用期權金去收息為其一方法、而債基收息方案相比令投資人去除接入股票風險、更有預算。無存放年期而年回報為12-15%。讀者更多收息及理財應有概念在收息101授予。

 

12. 未來幾年樓市會否跌20%筆者唔知曉。不過未來一至兩季內樓市會否再下跌筆者已有預測機制。採用data為2010-2014年皆成功。見上頂圖只顯示2012年至今的,就好似2014年尾的升市(箭嘴5)其實訊號線早於2014/4月已上升(見方格5)。另外買樓003同學亦已早知道近呢兩星期中原城市指數由142點向下調之情況。












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室