陸羽仁-逆反思維

美國數據好,中國數據差。美國1月非農就業數增加好過市場預期,增幅連續第11個月超過20萬,為1994年以來最長就業成長期。就業市場繼續好轉,令市場對聯儲局提早加息的憂慮升溫,美股上週五先升後回,杜指收市跌61點至17824點;標普500指數跌7點,收報2055點;納指跌21點,收報4744點。

另一方面中國繼續出驚嚇數據。人行出手降準預告咗經濟唔掂,中國海關昨日公佈,今年1月內地進出口總值2.09萬億元人民幣,按年減少10.8%,其中出口1.23萬億元,下降3.2%,較市場估計的5.9%增長少很多;進口8600億元,下跌19.7%,是5年來最大跌幅,而市場預期只減少3.2%,估唔到跌咁多;由於入口跌幅大過出口好多,令貿易順差反而擴闊近90%,達3669億元的歷史新高。1月數據雖受新年因素影響,但商品價格下跌及內地經濟需求急降,是進口大跌原因。

本周內地數據驚嚇,加上有萬億新股上市,又推出可以沽空的股票期權,內地股市短期都係試底格,但以逆反思維去想,又唔使睇得太淡。

另外,美國1月非農就業數增加25.7萬,好過市場預期的23.4萬,失業率則由上月的5.6%上升至5.7%。美國其實唔止一個失業率,最新公佈呀失業率5.7%,又稱U3失業率,比較概括性。而另一個比較詳細嘅數據係U6失業率,1月份係11.3%,亦較上月上升0.1個百分點,U6數字遠高過U3,原因係U6包括了過去12個月內都有去搵工、但搵唔到工嘅人; 覺得搵唔到工作、已完全放棄搵工的人; 以及搵長期工、但只係搵到臨時工作嘅人; 包含層面比U3的數據廣。所以用廣義的U6失業數據美國仲有11.3%失業,你話美國經濟好,只是相對而言如此。

美國1月就業人增增加,失業率不跌反升,主要係多咗人見到經濟有所好轉,重投搵工市場,令到失業大軍由上月嘅869萬人增加到898萬人。其中20歲以下的年青人,失業率由增加了2%至18.8%,升幅比較大。

另外美國非農就業增長人數明顯好過預期,而且增幅連續11個月超過20萬人,經濟復甦,係好消息,但股市卻腳軟軟,先跌後升。早段升幾多,收市倒跌番咁多,我覺得有兩個原因壓住大市,首先係美股上星期由週一低位反彈,三日反彈幅度唔細,杜指反彈近800點,都係時候要唞唞;其次又係加息恐懼作怪,見到勞工市場表現好過預期,就擔心聯儲局會提早加息,調查顯示有50%投資者估聯儲局會在3月會議中決定加息。美國10年期國債息上週五午後就由1.8厘抽上1.95厘,接近2厘水準。

聯儲局在最近嘅議息會議聲明中表示,「如果經濟狀況顯示經濟復甦步伐,快過當局預計能夠達至預期的失業及通脹目標,加息的時間將會比現時預期的更早。」上週五,今年有投票權的亞特蘭大聯儲主席洛克哈特(Dennis Lockhart) 重申,具體的加息時點將取決於經濟數據。不過,佢強調由於薪資增長緩慢,美國經濟尚未實現充分就業,過去12個月,美國薪資僅增加2%,「溫和」增長與新增就業崗位的數量並不協調一致。另外,佢又認為目前的通脹低下的情況仍令人擔憂,美元、原油價格和海外經濟走勢加大了美國經濟前景的不確定性。

聽洛克哈特嘅講法,佢對提早加息的睇法比較「鴿派」。他的言論,對美股有番啲支持。聯儲局主席耶倫今個月24及25日會到國會發表貨幣政策半年總結,到時或許可以知道聯儲局對近期經濟數據的睇法,從中或可搵到儲局幾時加息的啟示。如果耶倫到時對經濟復甦步伐正在加速表示認同,估計會對市場造成一定衝擊。

 

陸羽仁

http://blogcity.me/blog/reply_blog_express.asp?f=5YTPBH5B812303&id=701980&catID=&keyword=&searchtype=












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室