諗SIR-如何對沖債基收息10%後的風險?#776

Lum Sir 你好! 無意中幸運地發現你的BLOG,十分喜歡,並報讀十月的收息課程。希望請教Lum sir,給小女子一些意見。謝謝。

本人背景
– 小女子27歲,會計,與父母同住。雖然已經供滿,但不想動用父母資產。
– 每月人工: HKD 40K
– 每月支出: 約HKD 13K

資產
– 現時估值HKD 3M 的屯門兩房B類單位, 已租出,租金扣除支出,每月打平
– 股票,基金及債劵投資約HKD 300K
– 現金約HKD 500K (包括TAX LOAN HKD 300K)

負債:
– 按揭欠款HKD 1.86M
–>該單位現時估值HKD 3M
–>於2013年尾以HKD 2.7M購入
–>按揭7成, 利率P – 2.85%
–>供款年期30年

– TAX LOAN HKD 300K
–>2014年年頭借入
–>利率3.2%
–>還款年期4年
–>之前用作買股票收息用途

五年內計劃
– 2014年年尾與朋友買入日本樓,本人佔50%,預算投資HKD 10-20萬
– HKD 300K TAX LOAN 作收息方案,預期回報10%
– 五年內於九龍(油塘/調景嶺)或港島(太古/杏花村)購入單位租出/自住

問題
1. 屯門單位若加按可取得HKD 300K作收息方案。本人應否加按?
2. 再購入的單位可能會自住,想住近父母及方便上班,所以撰擇油塘/調景嶺或太古/杏花村, 將來考慮用作一拆二。哪一個地方增值潛力較好呢?
3. 如何部署達成五年計劃?

 

ANSWER:

 

本案讀者頭腦清晰,在28歲已懂得為自己計劃,儲蓄率更是頗高,搵四萬銀儲近兩萬八(即70%)。教一眾無樓係手或為間屋煩惱既男仕慚愧。可能有人話讀者無咩家庭負擔、人工又高,咁緊係計劃得容易啦! 其實香港社會仲係比其他地方易搵食,稅率低。至於悲慘既家庭遭遇、只好說筆者所見低處未算低、比看倌更需幫忙的大有人在。年近30而身無分文、或仲係為一間屋頭大者,必須先檢討自己再去話人。把握時間。

 

如讀者的按揭未過罰息期,咁就唔好為30萬去加套咁麻煩。現時讀者應做的,係去了解多點不同投資方案,為他人有能處理自己資產做準備。最易上手既收息物係債基,因為買入後下一個月就派息,而息口有10-15%年息實為吸引。可惜易做既野,點都會有風險。近日油價下跌再加上俄國盧布大貶,令全球投資風險升溫,若早時入手了債基收息,今個月要捱下價。

 1 (1)

見圖quote了其一債基的價格走勢,由本年七月至今價格由13.66跌至13.0水平,累計跌6%。而單計12月跌4%。當然如你入手股票,基本上一日跌4%都好平常。可是以穩當為先的債基方案,跌幾個百分點已是明顯變動,其穩定每月派息再加上低波幅之特性可見一班。用上方投資物可得超10%年回報,半年跌幅累有6%,其實收番半年息已打和。再睇埋RSI已是低到貼地,不少收息班同學已伺機買入。

 

為債基方案在不明市況下做對沖,方法一已有收息堂有授。方法二今日提一下,亦可方法1+2齊同作。債基之價格走勢實在世界指數有極高關連性,近0.8(+1係完全相同),那我們連用ETF,可找出投資物係萬一債基跌,ETF之價格可上升,補回債基跌價之損失。在2014件12月1日至今,債基下跌4%而此ETF由58升到60,升幅同為4%。可見要收息而又去除市況風險,只要深入一想實有方法!

 2

關於借稅貸去收息筆者認為無問題,最怕係借錢用去投資自己不悉熟的產品。12月恆指及世界市場波幅提升,懂得作法已經可從ETF捕捉各地投資機遇。另知道有些同學入手了日本樓,得知不少人結果係收租同兌換價一上一落打個和,而日本樓價有微升的。關於買日本樓而又怕日元匯價影響回報既同學,亦可參考早前有些ETF文章有提兌匯風險去除之法門。最幫到讀者手筆者應為係五年DOUBLE 保險方案,佢可以先做一份為保證將本金5年後番一番,咁就有首期買下間樓。用各區數據而言,九龍東同港島東有不同之後市看法,答文已至千字,容後再談。

 












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室