八十後投機客 – 甘個市最近有咩炒?

當大家非常期待滬股通的來臨時, 市場一於跟返傳統智慧去行, 就係好消息出貨。眼見恆指升勢不足, 筆者亦拿拿聲將一些指數相關的股份和期權沽出或平倉, 當中700 認購亦為筆者進帳不少。


今朝眼見黑期最多升750點, 又一次見證大戶引人落搭的技倆千年如一, 討論區中人人大叫升500升1000 的大有人在, 但最後恆指只高開300點左右, 之後便發生人踩人事件, 可見悲劇往往發生在最興奮時刻。



最後恆指收跌近300點, 為最近少有大波幅的一天, 而更重要的係今日完成左一支完美的穿頭破腳! 穿頭破腳者買入就一定頭破血流, 基本上今日好消息盡出, 仲要連好消息都變為壞消息, 配合埋穿頭破腳, 可以肯定除非短期有其他重大利好如中央放水, 否則香港難以樂觀!

繼上次筆記於24000左右叫人開始減倉食餬後, 搞左甘耐又通車, 最後都係去返23800, 上次走得真係無錯! 甘個市最近有咩炒? 只要好似上次筆者所講唔係搞D 指數成份股, 基本上今次個滬股通炒車對你都唔會有咩影響! 一於繼續炒股唔炒市!

要避開:
穿頭破腳成份股:1299,1339,1988,1,5,16,17,267,358,941,2333,2899,3323

P.S. 長線投資的朋友如果唔想俾個市影響, 可以參考返上次筆者講1382篇文(文章出街時股價為10.2左右), 基本上此股完全無視最近波動, 一路向上, 記住uniqulo 都係日本放水下受惠公司呀!

灝昇
https://www.facebook.com/speculatorjunior










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室