新世代買樓模式之做個好租客

租新樓可能會平……頭果兩年,之後租金就會走會正軌,即係有大幅追加的風險。

 

咁一係就接受大幅加租,一係就每兩年搬一次,搬一搬都唔少錢啦。 呢度有一個假設係業主只向錢看,兩年後唔憂租唔出必定加租趕人走。但係又唔會認為換租客都有一定風險,如果係好租客,頂多象徵式加少少,甚至唔加租住到租客搬為止。

 

要成為好租客,除左準時交租之外,如果能夠做到以下幾點就更加好

1. 最好早幾日交租

2. 無乜特別就咪煩業主

3. 家中有少問題, 如爆左個燈膽, 甩左幾粒馬賽克, 牆邊有少少甩灰, 我都係當DIY 樂趣咁自己搞左佢.

4. 交番間樓俾人時, 自己或者搵姐姐抹番乾淨晒先交番俾人

 

可能有人會笑以上行為係傻仔行為,不過將心比己,有個人住到企企理理令自己唔駛點執就可以再租出去,之前平左的租金都值回票價吧! 至於兩年搬一搬的問題,財務上, 當每兩年搬一次, 當每次搬的成本 (搬運+ 空租+ 佣) 約2萬元左右,20 年間分十次俾都只係20萬。理論上遠低過裝修一次的成本(住一間屋20年,隨時要裝修兩次) 無可否認每次搬屋係一件好煩的事,尤其有小朋友的話難度更會提升,不過本文前提係用最抵的方法住最好的樓,辛苦少少都無辦法了。 呢個提議是否人人合用呢?年紀大的朋友又適合嗎? 現時家租樓業主大多要求租客有工作証明才願意租出,年紀大又無工作証明要麼被拒絕租樓,要麼要交多一點租金才能打動業主。 不過咁,年紀大的朋友一係有家庭,一係要對投資行為保守一點,呢個新世代買樓模式的確對35歲以下的朋友較為適合。 

BY梁隼

作者網誌:http://www.ccomentary.com

想知多D?不如睇埋
實地睇樓(16):港島東寓言:小西灣線不能說的秘密 (5)

 

18區屋苑(127):港島。東區。鰂魚涌。華蘭花園 (5)

 

18區屋苑(160):港島。東區。鰂魚涌。南豐新邨

 












本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室