小市民該何借力上流?#445屋村仔

Hi, 諗sir睇左貴blog之後得到啟發, 想要為自身及另一半退休後生活得到保障, 希望諗sir能抽空指點迷津, 謝!

 

本人33yrs 月入15K, 扣除供樓及家用後每月未能儲蓄, 只能靠公司每年兩次發放的花紅儲蓄約供20-30K. 另一半年紀同是33yrs及月入相約. 不計劃有BB.

 

物業1: 翠寧花園09年購入850k(聯名購入, 已補地價, 自由市場), 按7成供20年, 約供3k一個月. 現剩17年約500k供款, 現估價約2.3m.

物業2: 同屋苑車位一個220k (聯名購入, 於物業1加按220k購入), 供18年, 約供1.3k一個月. 現剩17年約200k供款. 現放租1.2k.

現金: HKD60K, RMB20K

股票: 70K(坐貨)

 

目標: 退休時可有多一至兩層樓收租, 保障生活. 謝謝!

ANSWER:

讀者情況是收入不高,儲蓄拉平均係14%(25000/180000)。要知世界上是沒不勞而獲的! 當然筆者唔知讀者係勸力定懶,又或有能力選擇去搵少d錢,過著一些非物質化的生活。但收入少及儲蓄低情況下,先講明此情況下筆者都冇辦法幫人扭轉乾坤的。筆者是諗樣一個,只會給你客觀的理財意見,而不是憧神力去助人力挽狂瀾。

 

當然讀者不是情況差劣,上文只想說明本站之service scope。如果大家覺得筆者可幫你「單車變摩托」,實在是過喻了。講返讀者,明顯係佢早年買入翠寧,令佢人生出現契機。如果唔係早前買樓,只靠萬零蚊人工真係好難突圍。既然翠寧花園係自由市場,不如加按至七成套有現金在手,再緊貼大市,借市場力量讓人工萬五蚊的小男人翻身。再重申一次,較有條件的中產是不用去追逐市場升跌的,只係冇銀小市民要借力上流,佢地唔睇準低位入市贏一次,根本成世跑輸以致年老生活難堪。此只不過引用民間智慧:「身家豐厚、博都無謂。身無分文,就必須賭博了。」另外有錢佬都不妨捕捉下樓市升跌,不過人地係為興趣,唔係為翻身。

 

至於係問我咩為之有條件的中產,筆者認為可用交稅交到打standard rate做準則。有興趣可研究呢類人的特性。

 

讀者單位可套出(2.3mil*70%-0.85m)=0.76mil。加上手上資產約30萬,那已有基本「賭本」了。套出的錢用靈活按揭戶口存入一半,省回一半利息。及後睇準機會,九成上會再買第二間。想順利再借九成,現單位要早行「一拆二」之法。買樓102有講。下星期一開課,日後都有機會再上。










本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室